Biełaruskaja aktrysa ź sieryjała «Kamienskaja» pamierła ŭ Kanach
Ludmile Mialeška było 64 hady.
02.09.2023 / 11:16
Ludmiła Mialeška syhrała epizadyčnuju rolu ŭ sieryjale «Kamienskaja» ŭ 2002 hodzie. Fota: kadr ź sieryjała, kino-teatr.ru
Biełaruskaja i rasijskaja aktrysa Ludmiła Mialeška, viadomaja pa sieryjale «Kamienskaja», pajšła z žyćcia, paviedamili jaje biełaruskija kalehi ŭ sacsietkach. U kancy červienia Ludmiła adznačyła svoj 64-y dzień naradžeńnia, paviedamlaje «Kamsamołka».
U filmahrafii Mialeški ŭsiaho piać rabot.
U 1981 hodzie jana źniałasia ŭ epizodzie dramy Vitala Čaćvierykova «Pavodka» na «Biełaruśfilmie». U nastupnym hodzie zhulała epizadyčnuju rolu ŭ filmie Valeryja Rubinčyka «Kultpachod u Teatr». U 1983 hodzie ŭ stužcy Jaŭhiena Markoŭskaha «Jak ja byŭ vunderkindam» Ludmiła zhulała nastaŭnicu muzyki.
A nastupnuju rolu ŭ epizodzie sieryjała «Kamienskaja-2» Mialeška atrymała praz amal 20 hadoŭ — u 2002 hodzie. Apošni raz jana źjaviłasia na ekranie ŭ filmie Dźmitryja Astrachana «Ciomnaja noč» 2004 hoda.
Nieŭzabavie aktrysa vyjšła zamuž za francuza i pierajechała ŭ Kany. Adtul i pryjšła viestka pra jaje śmierć 31 žniŭnia 2023 hoda.
Čytajcie taksama: