«Аль-Ітыхад» узгадніў з «Ліверпулем» пераход Салаха. Форвард можа перайсці на заробак €76 млн
Кошт трансферу егіпецкага футбаліста ўзгоднены.
01.09.2023 / 08:51
Махамед Салах. Фота: Richard Sellers / Sportsphoto / Allstar via Getty Images
Форвард «Ліверпуля» Махамед Салах можа пакінуць англійскі клуб і перайсці ў саудаўскі «Аль-Ітыхад». Кошт трансферу егіпецкага футбаліста ўзгоднены. Сёння гулец павінен прыбыць у Саудаўскую Аравію на прыватным самалёце, піша Championat.com.
Раней паведамлялася, што «Аль-Ітыхад» прапанаваў Салаху трохгадовы кантракт з заробкам каля €76 млн.
Махамед Салах выступае за «Ліверпуль» з 2017 года. Кантрактнае пагадненне гульца з англійскім клубам разлічана да 2025 года.
У новым сезоне чэмпіянату Англіі Салах правёў за «Ліверпуль» тры матчы, забіў гол і зрабіў дзве выніковыя перадачы. Інтэрнэт-партал Transfermarkt ацэньвае кошт гульца ў €65 млн.
За «Аль-Ітыхад» ужо гуляюць Карым Бензема (экс-«Рэал»), Н'Гало Кантэ (экс-«Чэлсі»), Фабінья (экс-«Ліверпуль»).
Чытайце таксама:
У чым феномен футбола ў Саудаўскай Аравіі, куды за Раналду ламануліся топавыя еўрапейцы
Саудаўскі клуб купіў аднаго з найлепшых галкіпераў чэмпіянату свету