1 vieraśnia — budni dzień. Jak aficyjna ŭziać vychodny
1 vieraśnia — pačatak navučalnaha hoda — sioleta prypadaje na piatnicu. Dla pieršakłaśnikaŭ i 11-kłaśnikaŭ u škołach projduć śviatočnyja liniejki. Nie vyklučana, što ŭračystaści buduć i dla inšych kłasaŭ. U Minpracy patłumačyli, jak baćkam uziać vychodny na hety dzień.
29.08.2023 / 11:35
Fota: «Naša Niva»
1. Vykarystać isnujučy dzień adpačynku biez zachavańnia zarobku (adhuł). Jon dajecca za pracu ŭ vychodnyja i śviatočnyja dni, dziaržaŭnyja śviaty, zvyšuročnuju pracu.
2. Padać zajavu ab adpačynku biez zachavańnia zarobku (za svoj košt) albo z zachavańniem zarobku pry ŭmovie, što jaho apłata praduhledžana kalektyŭnaj damovaj.
Jon dajecca na ŭzhadnieńnie z najmalnikam pa siamiejna-bytavych i inšych uvažlivych pryčynach.
3. Vykarystać častku pracoŭnaha adpačynku, jaki možna dzialić na častki, i adnuju ź ich vykarystać 1 vieraśnia.
Navat kali vychodny nie supadaje z hrafikam adpačynkaŭ, najmalnik moža pajści nasustrač i ŭzhadnić jaho pradastaŭleńnie, u tym liku, unieści ŭ hrafik źmieny.
Taksama varta pamiatać, što inšyja varyjanty vyzvaleńnia ŭ hety dzień ad pracy možna ŭdakładnić u adździele kadraŭ arhanizacyi.
Čytajcie taksama:
Ci dapuściać dzicia da zaniatkaŭ biez školnaj formy? Voś što adkazali ŭ Minadukacyi
U minskich škołach z nastupnaha hoda padumvajuć uvieści adzinuju formu — ź dziaržaŭnaj simvolikaj