Zatrymanaha navapołackaha stamatołaha asudzili dvojčy
U minuły paniadziełak, 21 žniŭnia, stała viadoma, što navapołackaha stamatołaha Alaksandra Hrudnickaha ź jaho žonkaj Ałaj zatrymali pry viartańni ź Litvy ad syna. 22 žniŭnia jon pavinien byŭ vyjści na pracu ŭ palikliniku №4, ale pacyjenty jaho nie dačakalisia. Ciapier stała viadoma, što ź im stałasia, piša viciebski rehijanalny kanał.
28.08.2023 / 16:19
Pavodle najaŭnaj infarmacyi, sumna viadomaja navapołackaja sudździa Zinaida Bałabołava asudziła lekara dvojčy.
17 žniŭnia byŭ vyniesieny prysud za ŭpryhožvańnie stamatołaham svajoj fatahrafii ŭ instahramie ściaham Ukrainy. Akazałasia, što Alaksandr raźmiaściŭ hety fotazdymak sa ściažkami Ukrainy i Hruzii jašče ŭ 2021 hodzie padčas adpačynku ŭ Hruzii. Za heta jon atrymaŭ 15 sutak aryštu pavodle art. 24.23 č. 1 KaAP Biełarusi (pikiet).
A ŭžo na nastupny dzień, 18 žniŭnia, taja ž Bałabołava prysudziła Hrudnickamu za łajki ŭ «Adnakłaśnikach» pastoŭ supołki «Chartyja-97» jašče 15 sutak aryštu pavodle art. 19.11 č. 2 (raspaŭsiud «ekstremizmu»).
Ału Hrudnickuju sudździa Bałabołava sudziła 22 žniŭnia, ale pra vynik hetaha suda pakul daviedacca nie ŭdałosia.
Čytajcie taksama: