У Варшаве сёння абмяркуюць пытанне закрыцця мяжы з Беларуссю
«Літва гатовая да плана закрыцця мяжы, але цяпер няма пагроз», — заявіла міністр унутраных спраў Агне Білатайце.
28.08.2023 / 08:18
Архіўнае фота. Агне Білатайце (другая справа) на Маршы жаночай салідарнасці з Беларуссю ў Вільні, 10 кастрычніка 2020 года.
«Літва гатовая да плана закрыцця мяжы, ён знаходзіцца на розных узроўнях, мы прадставім яго і абмяркуем з калегамі, каб пры адпаведных узроўнях пагрозы мы маглі адначасова выконваць адны і тыя ж дзеянні і пастановы», — сказала міністарка журналістам у пятніцу, паведамляе BNS.
Раней, калі Літва закрыла пункты «Шумск» і «Цверач», міністр заявіла, што краіны Балтыі і Польшча вядуць перамовы аб «рэгіянальным рашэнні» цалкам закрыць мяжу з суседняй аўтарытарнай краінай.
У панядзелак павінны быць узгоднены заключныя моманты такога механізма.
«Ацэньваючы праблему кантрабанды, ацэньваючы той факт, што нам сёння сапраўды патрэбныя службовыя асобы на зялёнай мяжы з Беларуссю, мы насамрэч ацэньваем гэта і абдумваем канкрэтныя рашэнні, вырашаючы менавіта гэтыя праблемы», — сказала міністр.
Аднак яна паведаміла, што цяпер няма ніякіх пагроз, якія патрабавалі б поўнага закрыцця мяжы.
Чытайце таксама:
МУС Літвы ацэньвае магчымасці закрыцця новых памежных пераходаў на мяжы з Беларуссю
Кіраўнікі МУС Літвы і Польшчы абмеркавалі магчымую ізаляцыю Беларусі
Краіны Балтыі і Польшча абмяркуюць пытанне закрыцця мяжы з Беларуссю ўжо ў гэтым месяцы