Donald Tramp pravioŭ biesprecedentny zbor srodkaŭ na prodažy mierču sa svaim turemnym fota
U dzień paśla farmalnaj pracedury aryštu, 25 žniŭnia, byłomu prezidentu Donaldu Trampu ŭdałosia pryciahnuć rekordnuju za sutki sumu $4,18 młn na svaju pieradvybarčuju kampaniju, paviedamlaje Politico.
27.08.2023 / 11:57
Usiaho za dva dni Tramp sabraŭ $7,1 młn, jak zajavili ŭ jaho štabie.
Zdymak Trampa z čyrvonym halštukam i zmročnym pozirkam byŭ zrobleny ŭ čaćvier 24 žniŭnia, kali kandydat u prezidenty ad Respublikanskaj partyi byŭ aryštavany pa bolš čym dziasiatku kryminalnych abvinavačańniaŭ, źviazanych ź jaho sprobami admianić vyniki vybaraŭ 2020 hoda.
Zbor srodkaŭ dla kampanii ažyćciaŭlaŭsia za košt tavaraŭ, jakija štab Trampa pradavaŭ praź internet-kramu. Kašuli, płakaty, nalepki na bampiery i chaładzilniki sa zmročnym partretam Trampa karystajucca vialikaj papularnaściu. Na mierčy słohan — «Nikoli nie zdavajciesia!». Cana — ad 12 da 34 dalaraŭ.
Čytajcie taksama:
Eks-prezident PAR pryjšoŭ, kab sieści ŭ turmu. A jaho nie ŭziali