Hubiernatar Branskaj vobłaści zajaviŭ pra adbićcio ataki dyviersantaŭ
«Ukrainskija dyviersanty raspačali sprobu prarvacca praź miažu ŭ Klimaŭskim rajonie Branskaj vobłaści, adnak byli spynienyja padraździaleńniami pamiežnaha ŭpraŭleńnia FSB Rasii», — paviedamiŭ u svaim telehram-kanale hubiernatar Alaksandr Bahamaz.
22.08.2023 / 15:08
Klimaŭski rajon Branskaj vobłaści
«Siońnia ŭkrainskija dyviersanty raspačali sprobu praryvu dziaržaŭnaj miažy ŭ Klimaŭskim rajonie. Dziakujučy zładžanym i hieraičnym dziejańniam padraździaleńniaŭ pamiežnaj upravy FSB Rasii Branskaj vobłaści, Ministerstva abarony, śpiecpadraździaleńniaŭ upravy Rashvardyi Branskaj vobłaści ataka była adbitaja», — napisaŭ jon.
Ciapier viaducca mierapryjemstvy pa harantavańni biaśpieki mirnych žycharoŭ, dadaŭ kiraŭnik rehijona.
Raniej pra sprobu praryvu dyviersantaŭ u Branskuju vobłaść paviedamlali telehram-kanały Mash i SHOT. Pavodle danych apošniaha, kala 12:50 hrupa z vaśmi dyviersantaŭ pasprabavała pierasiekčy miažu ŭ rajonie viosak Sušany i Zabrama. Pry sabie ŭ ich byli amierykanskija vintoŭki M4 i hranaty.