Za «ekstremizm» kiroŭca-dalnabojščyk atrymaŭ 10 sutak aryštu
Sudździa Brasłaŭskaha rajona Alaksandr Viazicki 31 lipienia pryniaŭ rašeńnie aryštavać na 10 sutak kiroŭcu-mižnarodnika Dźmitryja Žarskaha, jaki, na dumku sudździ, raspaŭsiudžvaŭ u sacyjalnych sietkach ekstremisckija materyjały. Na razhlad administratyŭnaj spravy Dźmitryj nie źjaviŭsia.
22.08.2023 / 11:30
Dźmitryj Žarski. Fota: sacsietki
Sud ustanaviŭ, što Žarski zachoŭvaŭ z metaj raspaŭsiudžvańnia infarmacyjnuju pradukcyju ekstremisckaha źmiestu, jakaja znachodziłasia staronkach sacyjalnaj sietki «Instagram» z nazvaj «NEXTA» i «Charter97.org».
Sudździa Viazicki pastanaviŭ aryštavać kiroŭcu-mižnarodnika na dziesiać sutak i kanfiskavać u dachod dziaržavy jaho telefon, piša «Viciebskaja Viasna».
Čytajcie taksama:
Navapołackaha pradprymalnika aryštavali za «raspaŭsiud ekstremizmu»