Prezident Finlandyi vyrašyŭ niezvyčajna adśviatkavać jubilej. Jon budzie hulać ź ludźmi i razmaŭlać
Saŭli Niiniścio spaŭniajecca 75 hadoŭ u hety čaćvier, piša Yle.fi.
22.08.2023 / 08:18
Saŭli Niiniścio padčas samita NATA ŭ Vilni. Fota: Mindaugas Kulbis / AP
Prezident Saŭli Niiniścio ŭ honar svajho jubileju zaprašaje ŭsich žycharoŭ Finlandyi dałučycca da spartyŭnaj akcyi, paviedamlaje Kancylaryja prezidenta. Niiniścio spaŭniajecca 75 hadoŭ u hety čaćvier.
U honar hetaj daty ŭ niadzielu ŭ Chielsinki adbudziecca spartyŭnaje mierapryjemstva z udziełam prezidenta. Prahułka vakoł zaliva Tejelenłachci pačniecca a 15:00 ad budynka Pikku-Finlandia.
— Navat karotkaja prahułka doryć dobry nastroj i stymuluje myśleńnie. Ja chaču, kab finy dałučylisia da hetaha spartyŭnaha vykliku i razam z tym pahutaryli adno z adnym. Ja sam maju namier abyści Tejelenłachci i parazmaŭlać ź minakami ab nieabchodnaści lepiej razumieć adno adnaho, — zajaviŭ Niiniścio ŭ pres-relizie, apublikavanym kancylaryjaj prezidenta.
Spartyŭnaja akcyja pradoŭžycca ŭsiu vosień. U joj možna ŭziać udzieł, vyjšaŭšy na prahułku abo prabiežku vakoł Tejelenłachci ŭ svaim rytmie i padzialiŭšysia svaimi spartyŭnymi pośpiechami ŭ sacsietkach pad chešteham #liikkumishaaste.
Zrešty, heta dla nas u Biełarusi, dzie pierakryvajuć niekalki kvartałaŭ, zdajecca niezvyčajnaj prapanova Niiniścio spakojna prahulvacca razam ź ludźmi ŭ parku i razmaŭlać. U Finlandyi heta zvyčajnaja reč, jak i ŭdzieł byłoj premjer-ministarki jak pryvatnaj asoby ŭ muzyčnych festach.
Čytajcie taksama:
Efiektnyja sukienki i skuranaja mini-spadnica. Jak eks-premjerka Finlandyi tusiła na muzfiestyvali
Finski ministr zajhraŭ «Čyrvonuju kalinu» na vijałančeli
U Finlandyi źjaviłasia pieršaja ŭ śviecie vyspa, na jakoj nielha vykarystoŭvać smartfony