Kavaleŭski i Labiedźka adpravilisia ŭ Kijeŭ dla pieramoŭ i pieradačy dapamohi biełaruskim dobraachvotnikam
Pačynajecca pracoŭny vizit namieśnika kiraŭnicy, pradstaŭnika pa zamiežnych spravach Kabinieta Valera Kavaleŭskaha va Ukrainu. U vizicie taksama biaruć udzieł daradca Śviatłany Cichanoŭskaj pa parłamienckim supracoŭnictvie i kanstytucyjnaj reformie Anatol Labiedźka i kiraŭnik Misii demakratyčnaj Biełarusi ŭ Kijevie Hienadź Mańko, paviedamlaje telehram-kanał APK.
21.08.2023 / 11:43
Pradstaŭnik pa zamiežnych spravach Kabinieta Valer Kavaleŭski pa darozie va Ukrainu. Skryn videa
Padčas pajezdki zapłanavanaje abmierkavańnie z deputatami Viarchoŭnaj Rady i niekatorych jeŭrapiejskich parłamientaŭ stanu biełaruska-ŭkrainskich adnosin, adbuducca sustrečy z aficyjnymi asobami i pradstaŭnikami dypłamatyčnaha korpusu ŭ Kijevie.
Biełarusy pieradaduć humanitarny hruz dla biełaruskich dobraachvotnikaŭ va Ukrainie, jaki nabyli za hrošy biełaruskaha pryvatnaha achviaradaŭcy, imia jakoha nie nazyvajecca.
Taksama zapłanavanyja sustrečy z deputatami Viarchoŭnaj Rady Ukrainy, z pradstaŭnikami biełaruskaj dyjaspary ŭ Lvovie.
«My abmiarkujem prablematyku biełaruska-ŭkrainskich adnosin i pierśpiektyvy ich dalejšaha raźvićcia. Nieabchodna nadać novuju ŭvahu pytańniam, ź jakimi sutykajecca biełaruskaja supolnaść va Ukrainie. Kijeŭ — miesca aktyŭnaj mižnarodnaj palityki, što vyznačaje važnaść supracoŭnictva z dypłamatyčnym korpusam va Ukrainie», — raspavioŭ Valer Kavaleŭski.