Расійскія спецслужбы заклікаюць Пуціна звольніць Шайгу і абвясціць новую мабілізацыю — Bloomberg
Многія прадстаўнікі расійскай эліты былі здзіўлены слабой рэакцыяй Пуціна на мяцеж Прыгожына і наступнай няздольнасцю пакараць яго. Гэта выклікала сумневы сярод расійскіх чыноўнікаў адносна патэнцыялу супрацьстаяння Пуціна далейшым выклікам.
20.08.2023 / 22:29
Як піша амерыканскае выданне Bloomberg, незадаволенасць няўдачамі Расіі на полі бою ўсё яшчэ цепліцца ў асяроддзі акупацыйных сілавікоў. Так, міністр абароны Сяргей Шайгу і начальнік Генеральнага штаба РФ Валерый Герасімаў усё яшчэ застаюцца на сваіх пасадах.
Па словах дзвюх крыніц, спроба Прыгожына зрушыць іх мела пэўную падтрымку ў ключавых органах дзяржаўнай бяспекі РФ. Цяпер некаторыя афіцэры ў расійскіх спецслужбах заклікаюць Уладзіміра Пуціна звольніць Шайгу і Герасімава ды перайсці да больш агрэсіўнага вядзення вайны.
Па словах пяці чалавек, знаёмых з сітуацыяй, прыхільнікі так званай ястрабінай пазіцыі хочуць зрушыць Шайгу і прапануюць аб'явіць ваеннае становішча ў РФ, а таксамаправесці поўнамаштабную мабілізацыю.
У той жа час пакуль няма ніякіх прыкмет таго, што іх адхіляць. Замест гэтага палітычнае кіраўніцтва РФ распраўляецца з тымі, хто актыўна крытыкуе Шайгу і Герасімава.