З'явіліся ФОТА, на якіх меркавана гарыць расійскі стратэгічны бамбавік Ту-22М3 пасля атакі беспілотнікам
Учора Мінабароны Расіі паведаміла пра ўзгаранне на стаянцы самалётаў на аэрадроме ў Наўгародскай вобласці. Ведамства заявіла пра пашкоджанне аднаго самалёта і аператыўную ліквідацыю пажару.
20.08.2023 / 16:17
У сеціве распаўсюджваюцца кадры з палаючым самалётам. Сцвярджаецца, што гэта Ту-22М3 на аэрадроме Сальцы.
Ту-22М — савецкі і расійскі далёкі звышгукавы ракетаносец-бамбавік. Можа несці ядзерную зброю. Па стане на 2021 год у Расіі было 66 такіх самалётаў. Яны атакуюць Украіну з дальніх рубяжоў, куды яе ЗРК не дастаюць.