Italjancy źbiehli z restarana ŭ Ałbanii, nie zapłaciŭšy. Premjerka Italii paprasiła pasła zrabić heta «za idyjotaŭ»
Čatyry turysty ź Italii źbiehli z restarana ŭ Ałbanii, nie zapłaciŭšy. Hetaja historyja raspaŭsiudziłasia ŭ miedyja i sacsietkach abiedźviuch krain, što zaachvociła ałbanskaha premjera padniać hetaje pytańnie padčas vizitu kiraŭnicy italjanskaha ŭrada Džordžy Miełoni ŭ jaho krainu. Pra heta piša «Hromadskie» sa spasyłkaju na VVS.
20.08.2023 / 15:32
Džordža Miełoni. Fota: Antonio Masiello / Getty Images
Miełoni paśla hetaha skazała ambasadaru svajoj krainy «pajści i zapłacić za hetych idyjotaŭ». Pasolstva Italii ŭ Ałbanii paćvierdziła ŭ zajavie, što zapłaciła 80 jeŭra ad imia svaich hramadzian.
«Italjancy pavažajuć praviły i vypłačvajuć svaje daŭhi, i my spadziajomsia, što padobnyja epizody bolš nie paŭtoracca», — havorycca ŭ paviedamleńni pradstaŭnictva.
Ministr sielskaj haspadarki Italii Frančeska Łałabrydžyda, jaki taksama byŭ u pajezdcy ŭ Ałbaniju, skazaŭ Reuters, što apłata rachunkaŭ była spravaj honaru.
«Niekalki niesumlennych ludziej nie mohuć źniasłavić nacyju prystojnych ludziej», — skazaŭ jon.
Uładalnik restaracyi raspavioŭ ałbanskamu Report TV, što heta byŭ pieršy raz, kali klijenty pajšli nie zapłaciŭšy. Jon dadaŭ, što čatyry italjancy navat pachvalili ježu.
Čytajcie taksama:
Premjerka Italii padała ŭ sud na vakalista Placebo, jaki nazvaŭ jaje fašystkaj
Sustreča suśvietnych lidaraŭ u Vilni. Najlepšyja foty
Śviatłana Cichanoŭskaja sustrełasia z premjer-ministram Italii