Navapołackaha pradprymalnika aryštavali za «raspaŭsiud ekstremizmu»
Sudździa suda horada Navapołacka Śniažana Kaliničenka 2 žniŭnia za padpisku na piać «ekstremisckich» kanałaŭ u Youtube pastanaviła aryštavać na 15 sutak miascovaha žychara, indyvidualnaha pradprymalnika Alaksandra Žycharava, paviedamiła «Viciebskaja viasna».
19.08.2023 / 22:27
Zhodna z pratakołam, «pravaparušalnik» raźmiaściŭ i zachoŭvaŭ na svajoj piersanalnaj staroncy ŭ sietcy Youtube.com spasyłki na kanały NEXTA Live, Belsat NEWS, Euroradio Live, «Realnaja Biełaruś», «Kraina dla žyćcia». Hetyja kanały ŭ roznyja časy byli ŭklučanyja ŭ «respublikanski śpis ekstremisckich materyjałaŭ».
Na sudovym pasiadžeńni Žycharaŭ viny nie pryznaŭ, spasłaŭšysia na toje, što jon nie viedaŭ pra toje, što kanały byli pryznanyja «ekstremisckimi materyjałami».
Adnak hetaja akaličnaść nie paŭpłyvała na sudździu, jakaja paličyła, što Alaksandr ździejśniŭ pravaparušeńnie pavodle č. 2 art. 19.11 KaAP. Zychodziačy z hetaha, Śniažana Kaliničenka pastanaviła aryštavać mužčynu na 15 sutak.
Čytajcie taksama: