U Biełarusi žyvie bolš za 7 tysiač dalaravych miljanieraŭ — bank UBS
Štohod šviejcarski bank UBS publikuje śpiecyjalizavanuju spravazdaču, u jakoj aceńvajecca dabrabyt žycharoŭ roznych krain. Pra Biełaruś aŭtary spravazdačy sioleta taksama nie zabylisia.
19.08.2023 / 17:09
Ekśpierty banka ličać, što sumarny dabrabyt biełaruskich chatnich haspadarak składaje 255 miljardaŭ dalaraŭ. Za apošni hod suma padrasła na 46 miljardaŭ. Hetyja 255 miljardaŭ — 0,056% usiaho suśvietnaha bahaćcia.
Składalniki spravazdačy taksama pryjšli da vysnovy, što ŭ Biełarusi žyvie nibyta prykładna 7300 dalaravych miljanieraŭ (ci 0,1%).
U siarednim, pa ich źviestkach, na adnaho darosłaha biełarusa prypadaje 35 tysiač dalaraŭ, pry hetym bahaćcie 37,3% darosłych składaje mienš za 10 tysiač dalaraŭ. 56% nibyta majuć ad 10 da 100 tysiač dalaraŭ, a 5,5% — ad 100 tysiač da 1 miljona dalaraŭ.
Čytajcie taksama:
Ludzi, jakija rehularna vitajucca z susiedziami, majuć vyšejšy pakazčyk dabrabytu
U Biełarusi niama płatnaj adukacyi, heta forma sacyjalnaj padtrymki moładzi — ministr adukacyi
Na «Połack-Škłovałakno» prapanujuć brać zarobak «naturpraduktam» — ježaj i ŭłasnymi vyrabami