Nadzieju Staravojtavu ŭtrymlivajuć u Žodzinskim SIZA
Stała viadoma, što vybitnaha fiłołaha Nadzieju Staravojtavu, zatrymanuju miesiac tamu, utrymlivajuć u śledčym izalatary ŭ Žodzinie.
18.08.2023 / 20:20
Nadzieja Staravojtava z ulubionym sabakam — łabradoram Basiaj. Basia chvareje na cukroŭku i joj patrebien admysłovy dohlad, jaki Nadzieja niekalki hadoŭ zabiaśpiečvała. Taksama vielmi mocna chvareje i mama vykładčycy, ź jakoj razam jana žyła
Adras dla listoŭ, telehramaŭ, banderolaŭ, pasyłak, hrašovych pieravodaŭ dla žančyny: 222163, h. Žodzina, vuł. Savieckaja, 22a, T-8. Staravojtavaj Nadziei Piatroŭnie
Vykładčycu biełaruskaj movy, kandydatku fiłałahičnych navuk i dacentku kafiedry biełaruskaj i ruskaj moŭ Biełaruskaha dziaržaŭnaha ekanamičnaha ŭniviersiteta Nadzieju Staravojtavu zatrymali 24 lipienia.
Nadzieja Staravojtava — vybitny fiłołah, adnaja z najlepšych znaŭcaŭ biełaruskaj movy ŭ krainie.
U BDEU Nadzieja Staravojtava była zaŭsiodnaj papularyzatarkaj rodnaj movy, udzielničała ŭ litaraturnych konkursach dla vykładčykaŭ i studentaŭ. Nadzieja — aŭtarka karotkaha ramana «Arfahrafija biez praviłaŭ» (2008 hoda) i šerahu ese, apaviadańniaŭ i vieršaŭ.
Pracavała jana jak ź biełaruskimi, tak i z zamiežnymi studentami, u pryvatnaści, z kitajskimi, jakim vykładała biełaruskuju movu.
Uvohule biełarusistyčnaja hłotadydaktyka — mietodyka i praktyka vykładańnia biełaruskaj movy jak zamiežnaj — była adnoj z navukovych zacikaŭlenaściaŭ Staravojtavaj. Svaim dośviedam u hetym kirunku jana dzialiłasia ŭ navukovych artykułach (ich bolš za 80).
Čytajcie taksama: