Dla biełaruskich školnikaŭ nadrukavali try knihi pra hienacyd
Na naradzie ŭ Alaksandra Łukašenki, jakaja tyčyłasia padrychtoŭki da novaha navučalnaha hoda, ministr adukacyi Andrej Ivaniec adznačyŭ sumiesnuju pracu z Hienieralnaj prakuraturaj.
18.08.2023 / 12:50
Andrej Ivaniec. Fota: BiełTA
Jon raskazaŭ, što da pačatku navučalnaha hoda padrychtavali try śpiecyjalizavanyja vydańni na temu hienacydu biełaruskaha naroda ŭ hady Vialikaj Ajčynnaj vajny. Jany pryznačanyja dla troch katehoryj školnikaŭ: 1-4-ja, 5-9-ja i 10-11-ja kłasy, piša BiełTA.
Taksama Ivaniec raskazaŭ, što Minadukacyi pa daručeńni Łukašenki praviało poŭnuju reviziju navučalnych dapamožnikaŭ. Za apošnija hady vydadzieny ceły šerah najmieńniaŭ dla ahulnaj siaredniaj adukacyi, a piać padručnikaŭ spatrebiłasia hruntoŭna skarektavać.
Dva takija dapamožniki sioleta ŭžo pieravydali. Heta hieahrafija dla 7-ha kłasa i bijałohija dla 8-ha kłasa.
Try navučalnyja dapamožniki — pa historyi Biełarusi dla 9-ch i 10-ch kłasaŭ i hieahrafija dla 8-ha kłasa — buduć vydadzieny ŭ hetym navučalnym hodzie i taksama pastupiać u škoły.
Čytajcie taksama:
Staršakłaśnikam razdaduć padručniki ab hienacydzie
Hienprakuratura Biełarusi apublikavała śpis nacysckich złačyncaŭ. Siarod ich Kol, Šroder i Šolc
Hienprakuratura źbirajecca zajmacca hienacydam jašče 5—7 hadoŭ