Łukašenka daŭ intervju prarasijskaj prapahandystcy z Ukrainy
Pres-słužba Łukašenki paviedamiła, što jon daŭ intervju ŭkraincy Dyjanie Pančancy. Hutarka praciahvałasia kala dźviuch hadzin, pakazać jaje abiacajuć 17 žniŭnia. A abmiarkoŭvali, jak śćviardžajecca, pieradusim Ukrainu.
16.08.2023 / 21:47
Dyjana Pančanka — fihurantka ŭkrainskaj bazy «Miratvorac», dzie publikujuć źviestki pra ludziej, jakich ličać vorahami Ukrainy. Jana abvinavačvajecca ŭ pašyreńni naratyvaŭ kramloŭskaj prapahandy.
Raniej Pančanka pracavała viadučaj na telekanałach, źviazanych z kumam Pucina Viktaram Miedźviedčukom. Jana vyjechała z Kijeva ŭ siaredzinie žniŭnia 2022 hoda i nakiravałasia ŭ Rasiju. U studzieni 2023 hoda SBU pačała suprać jaje kryminalnuju spravu za pajezdki ŭ akupavanyja Danieck i Maryupal dla zdymak «prapahandysckaha repartažu» pavodle č. 3 art. 436-2 KK Ukrainy (vyrab i raspaŭsiud, u tym liku paŭtorna i z vykarystańniem srodkaŭ masavaj infarmacyi, materyjałaŭ, u jakich utrymlivajecca apraŭdańnie ŭzbrojenaj ahresii Rasijskaj Fiederacyi suprać Ukrainy).
Čytajcie taksama:
Łukašenka zajaviŭ, što dziaciej z Ukrainy vyvoziać na Zachad, dzie rasčlaniajuć i dastajuć orhany