Hałoŭny milicyjanier Hrodzienščyny pra palityčnyja represii: «Nie było takoha dnia, kab my kahości nie pryciahvali»
Kiraŭnik UUS Hrodzienskaha abłvykankama Dźmitryj Raziankoŭ raspavioŭ telekanału «Hrodna Plus», što pratesnyja nastroi ŭ Hrodzienskaj vobłaści nie źnikli i tam štodnia pryciahvajuć da adkaznaści za «ekstremizm».
16.08.2023 / 14:03
Kiraŭnik UUS Hrodzienskaha abłvykankama Dźmitryj Raziankoŭ. Skryn videa
«Kožny dzień mnie na stoł kładziecca zvodka, u jakoj… nie było takoha dnia, kab my kahości nie pryciahvali. Pa-raniejšamu raspačynajucca kryminalnyja spravy adnosna ekstremisckaj dziejnaści. Pastajanna my zatrymlivajem ludziej, jakija nie chočuć supakoicca i sprabujuć niejkuju sumiatniu ŭnosić», — raspavioŭ Raziankoŭ.
Jon kanstatuje, što choć i pryniata kazać, što ludzi ŭsio ŭśviadomili i ŭsio zrazumieli, ale ŭ svajoj paŭsiadzionnaj dziejnaści jon bačyć, što heta nie tak.
Raziankoŭ śćviardžaje, što hrodzienskaja milicyja, jak i ŭsia milicyja krainy, hatovaja da nastupnych elektaralnych kampanij.
Sa žniŭnia 2020 hoda ŭ sudy Hrodzienskaj vobłaści na razhlad pastupiła bolš za 400 kryminalnych spraŭ nakont pratestaŭ i ekstremizmu, 428 čałaviek pakarali, piša kanał «Prava majuć».
Čytajcie taksama:
HUBAZiK raskazaŭ, što žančyna, jakaja admoviłasia davać intervju Azaronku, ciapier za kratami
Što novaha praviarajuć u telefonach na miažy pry viartańni ŭ Biełaruś