У Гомелі пачаўся суд аб наёмніцтве, фінансаванні і садзейнічанні «экстрэмісцкай» дзейнасці
Гомельскі абласны суд 16 жніўня пачаў разгляд крымінальнай справы аб наёмніцтве, фінансаванні і садзейнічанні «экстрэмісцкай» дзейнасці. Судзяць мясцовага прадпрымальніка Дзмітрыя Макеева. Судовы працэс вядзе суддзя Яўген Шаршнёў, піша «Вясна».
16.08.2023 / 11:38
Макеева абвінавачваюць па розных частках артыкула 361 Крымінальнага кодэкса:
- ч. 2 арт. 361-3 — удзел на тэрыторыі замежнай дзяржавы ва ўзброеным фарміраванні або ўзброеным канфлікце, альбо падрыхтоўка асоб да такога ўдзелу;
- ч. 1 арт. 361-2 — фінансаванне экстрэмісцкай дзейнасці;
- ч. 2 арт. 361-2 — фінансаванне экстрэмісцкай дзейнасці;
- ч. 1 арт. 361-4 — садзейнічанне экстрэмісцкай дзейнасці;
- арт. 361-2 — фінансаванне дзейнасці экстрэмісцкага фарміравання (рэдакцыя страціла сілу 26.05.2021);
- ч. 2 арт. 361-4 — садзейнічанне экстрэмісцкай дзейнасці.
«Медыязона» паведамляе, што, паводле даных Адзінага дзяржаўнага рэгістра, поўны цёзка Макеева займаўся прадпрымальніцтвам. У 2014 годзе ў яго была фірма па продажы аўтамабільных запчастак. У 2015 годзе Макееў працаваў таксістам.
Таксама вядома, што абвінавачваны скончыў факультэт прамысловага і грамадзянскага будаўніцтва Беларускага дзяржаўнага ўніверсітэта транспарту.
Чытайце таксама:
Мінчук, які ўдзельнічаў у пратэстах, напісаў яўку з павіннай, бо атрымліваў пагрозы
КДБ прызнаў «экстрэмісцкімі фармаваннямі» «Гомельскую вясну» і стартап-хаб Imaguru