Ordenam «Za mužnaść» ukraincy ŭznaharodzili jašče adnaho biełarusa — Daniiła Lašuka
Prezident Ukrainy padpisaŭ ukaz ab hanaravańni ŭkrainskich vajskoŭcaŭ dziaržaŭnymi ŭznaharodami. Uznaharody atrymajuć niekalki dziasiatkaŭ čałaviek, u tym liku paśmiarotna. My ŭžo paviedamlali pra ŭznaharodžańnie ordenam «Za mužnaść» III stupieni biełarusa Eduarda Łobava, ale siarod uznaharodžanych, i taksama paśmiarotna, jość jašče adzin biełarus — Daniił Lašuk z pazyŭnym «Madžachied».
15.08.2023 / 20:51
Jak i Eduard Łobaŭ, Lašuk uznaharodžany «za asabistuju mužnaść, prajaŭlenuju ŭ abaronie dziaržaŭnaha suvierenitetu i terytaryjalnaj cełasnaści Ukrainy, samaaddanaje vykanańnie vajskovaha abaviazku».
Daniił Lašuk — hramadzianin Biełarusi, rodam ź Bieraścia, jon pryjechaŭ va Ukrainu na pačatku rasijskaj ahresii ŭ 2014 hodzie i ŭstupiŭ u novasfarmavany tady bataljon «Tarnada». Praŭda, reputacyja ŭ jaho, jak i ŭvohule ŭ hetaha padraździaleńnia, była nie nadta dobraja.
U 2015 hodzie Hienieralnaja prakuratura Ukrainy vyznačyła, što bajcy «Tarnada» ŭ Łuhanskaj vobłaści vykradali ludziej, hvałtavali, zabivali, a taksama maradziorstvavali. Rotu rasfarmavali, a 12 čałaviek, u tym liku i Lašuk, byli asudžanyja. U krasaviku 2017-ha biełarus byŭ asudžany da 10-ci hadoŭ turmy, ale vyjšaŭ na volu daterminova ŭ 2021-m.
U sakaviku 2022 hoda, paśla pačatku poŭnamaštabnaha ŭvarvańnia Rasii, Daniił Lašuk «Madžachied» znoŭ trapiŭ na front. Da svajoj hibieli ŭ sakaviku hetaha hoda pad Bachmutam bajec paśpieŭ atrymać ranieńnie, kali dastaŭlaŭ u svajo padraździaleńnie zachoplenaha ŭ pałon rasijskaha vajskoŭca.
Čytajcie taksama:
«Šmat scykła siarod mužčyn». Marharyta Laŭčuk raskazała pra svaju pajezdku ŭ vajennuju Ukrainu
Ci pajšoŭ by Cimur na vajnu, kab nie žnivień 2020-ha?
Vajar pałka Kalinoŭskaha: «Biełarusy — mirnyja ludzi» — łuchta, naviazanaja nam z Uschodu