Zialenski ŭznaharodziŭ ordenam «Za mužnaść» biełarusa Eduarda Łobava, jaki zahinuŭ va Ukrainie, ratujučy kamandzira
Prezident Ukrainy padpisaŭ ukaz ab hanaravańni ŭkrainskich vajskoŭcaŭ dziaržaŭnymi ŭznaharodami. Uznaharody atrymajuć niekalki dziasiatkaŭ čałaviek, u tym liku paśmiarotna. Siarod uznaharodžanych ordenam «Za mužnaść» III stupieni biełarus Eduard Łobaŭ.
15.08.2023 / 10:27
Eduard Łobaŭ. Fota: «Radyjo Svaboda»
Za asabistuju mužnaść, prajaŭlenuju ŭ abaronie dziaržaŭnaha suvierenitetu i terytaryjalnaj cełasnaści Ukrainy, samaaddanaje vykanańnie vajskovaha abaviazku Eduard Łobaŭ uznaharodžany paśmiarotna ordenam «Za mužnaść» treciaj stupieni, havorycca va ŭkazie.
Eduard Łobaŭ naradziŭsia ŭ 1988 hodzie, słužyŭ u vojsku, u pačatku 2000-ch byŭ aktyvistam «Maładoha frontu». 18 śniežnia 2010 hoda, za dzień da prezidenckich vybaraŭ, jaho zatrymali razam sa Źmitrom Daškievičam i ŭ sakaviku 2011 hoda asudzili da čatyroch hadoŭ kałonii.
Paśla adbyćcia terminu pierajechaŭ va Ukrainu i dałučyŭsia da dobraachvotnikaŭ, jakija zmahalisia suprać rasijskaj ahresii na Danbasie.
U 2022 hodzie słužyŭ u 72-j asobnaj miechanizavanaj bryhadzie. Udzielničaŭ u vyzvaleńni Kijeŭskaj vobłaści i Čarnobyla. Apošnija niekalki miesiacaŭ byŭ pad Vuhladaram. Zahinuŭ 23 studzienia 2023 hoda, ratujučy paranienaha kamandzira.
Čytajcie taksama:
U Varšavie pachavali Eduarda Łobava, jaki zahinuŭ va Ukrainie
«Prykryvaŭ adychod paranienaha kamandzira». Jak zahinuŭ biełaruski dobraachvotnik Eduard Łobaŭ
Ašurka, Łobava, Bandarenku paśmiarotna ŭznaharodzili miedalom Ordena Pahoni