У Гомелі адбылася чарговая аблава сілавікоў. Аднаго з затрыманых прымусілі спяваць гімн
Мінімум чатыры чалавекі былі затрыманыя падчас аблавы сілавікоў у Гомелі. Іх відэа апублікаваў праўладны тэлеграм-канал, піша «Люстэрка».
14.08.2023 / 12:24
Дата рэйду не ўдакладняецца. У апублікаваным роліку відаць, як адну з кватэр штурмуе АМАП. У відэа гамяльчане распавялі, што былі затрыманыя за падпіскі на «экстрэмісцкія» каналы.
Адзін з затрыманых прадставіўся «пацыфістам» і адміністратарам дыскорд-канала «Злы TV». Таксама пад аблаву трапіў студэнт-правазнаўца Беларускай дзяржаўнай сельгасакадэміі.
Маладога чалавека прымусілі на камеру сказаць, што ён быў падпісаны на «экстрэмісцкую суполку» і праспяваць гімн Беларусі.
Чытайце таксама:
Чарговая аблава ў Гомелі: не менш за восем затрыманых за апошні час
На «Нафтане» не спыняюцца звальненні за палітыку. Прычына — падпіскі на незалежныя тэлеграм-каналы
Аблава ГУБАЗіКа адбылася ў Брэсце — траіх мужчын затрымалі за «распаўсюд экстрэмісцкіх матэрыялаў»