Žonka i dačka aryštavanaha žurnalista Ihara Karnieja źjechali ŭ Partuhaliju
«Ja nie maju iluzij ci spadziavańniaŭ na viartańnie, ale ja viedaju, što ŭ mianie chopić sił, kab zrabić heta miesca kropkaj zborki našaj siamji», — napisała Inna Karniej.
14.08.2023 / 09:54
Fota: Radyjo Svaboda
Ihara Karnieja zatrymali 17 lipienia. Ciapier jon znachodzicca ŭ SIZA.
U čym kankretna abvinavačvajuć žurnalista — aficyjna nie paviedamlałasia. Pavodle nieaficyjnaj viersii — u supracoŭnictvie ź internet-resursami, pryznanymi ŭ Biełarusi ekstremisckimi, piša «Narodnaja Vola».
«Kaciaryna Šulman u adnym sa svaich intervju kazała pra pryvilej zastacca. Nie ŭsie mohuć źjechać, zastacca — heta taksama pryvilej. Da 17 lipienia, da zatrymańnia Ihara, u nas byŭ taki pryvilej.
Naš novy etap žyćcia pačaŭsia 10 žniŭnia, naš dom zaraz za čatyry z pałovaj tysiačy kiłamietraŭ ad Minska, pasiarod Atłantyki, na Azorach. Ja nie maju iluzij ci spadziavańniaŭ na viartańnie, ale ja viedaju, što ŭ mianie chopić sił, kab zrabić heta miesca kropkaj zborki našaj siamji. Siudy buduć prylatać našy dzieci, kali-niebudź siudy pryjedzie Ihar, ja ŭ heta vieru.
Nie tak ja chacieła pačać novy etap u žyćci, ale ŭžo jak jość. Chaj vyšejšyja siły zachoŭvajuć usich, chto zastajecca ŭ Biełarusi», — napisała žonka Ihara Karnieja Ina ŭ sacyjalnych sietkach.