Anarchista Dźmitryja Duboŭskaha pieraviali na turemny režym
Jaho asudzili na 18 hadoŭ kałonii, potym dadali jašče dva hady.
12.08.2023 / 15:22
Dźmitryj — aktyvist anarchičnaha ruchu, jon byŭ zatrymany pry pierachodzie miažy Biełarusi ŭ noč z 28 na 29 kastryčnika 2020 hoda. Paźniej jaho asudzili da 18-ci hadoŭ kałonii.
U minułym listapadzie suprać jaho raspačali novuju spravu za padziei dziesiacihadovaj daŭniny i asudzili da 5-ci hadoŭ źniavoleńnia — kančatkova palitviaźniu pryznačyli 20 hadoŭ pazbaŭleńnia voli ŭ kałonii ŭzmocnienaha režymu.
27 červienia ŭ Viciebsku adbyŭsia sud pa źmienie Dźmitryju režymu ŭtrymańnia. Sudździa Natalla Traćciakova pieraviała palitviaźnia na turemny režym za parušeńnie praviłaŭ rasparadku. Duboŭskaha ŭžo etapavali ŭ mahiloŭskuju turmu № 4, paviedamlaje «Viasna».
Padtrymajcie Dźmitryja: Turma № 4, 212011, Mahiloŭ, Krupskaj, 99A, Dźmitryj Mikałajevič Duboŭski.
Čytajcie taksama:
Palitźniavolenamu anarchistu dadali da 20 hadoŭ jašče 11 miesiacaŭ
Ihar Alinievič miesiac tamu abviaściŭ haładoŭku. Što z palitviaźniem ciapier, svajaki nie viedajuć