Paŭnočnakarejcaŭ zaklikali ratavać ad stychii partrety Kimaŭ
Na Paŭnočnuju Kareju nasoŭvajecca štorm «Chanun», jaki maje prynieści zalevy i mocnyja viatry. U takoj składanaj situacyi paŭnočnakarejcaŭ zaklikali abaraniać ad stychii najbolš kaštoŭnaje — partrety lidara krainy Kim Čen Yna, jahonaha baćki Kim Čen Ira i dzieda Kim Ir Siena, paviedamlaje The Guardian.
11.08.2023 / 18:36
Fota: Carl Court / Getty Images
Aficyjnaja hazieta kiroŭnaj partyi KNDR «Nadon sinmun» piša, što hramadzianie krainy ŭ pieršuju čarhu pavinny ratavać partrety, mazaiku i freski z vyjavaj pradstaŭnikoŭ dynastyi Kimaŭ.
Na dumku prafiesara ŭniviersiteta Kunmina Andreja Łańkova, Paŭnočnaja Kareja — jaskravy prykład teakratyčnaj dziaržavy, dzie partrety Kim Čen Yna nie prosta simvały, a ikony.
Relihija, padkreślivaje navukoviec, praduhledžvaje pakuty dziela vyratavańnia śviatych simvałaŭ. Udakładniajecca, što za paškodžańnie partretaŭ dynastyi Kim paŭnočnakarejcam moža pahražać śmiarotnaje pakarańnie.
«Chanun» pryjdzie na Karejski paŭvostraŭ siońnia. Stychija moža nanieści surjoznuju škodu paŭnočnym rehijonam KNDR. Na praciahu doŭhich hadoŭ u hetych abłaściach źniščaŭsia pryrodny łandšaft, vysiakalisia lasy. Ciapier jany ŭraźlivyja pierad pavodkami.
Čytajcie taksama:
U Paŭnočnaj Karei zabaranili samahubstvy, bo jany ciapier ličacca «zdradaj Radzimie i sacyjalizmu»