Ad zaŭtra «Biełsat» budzie viaščać praz spadarožnik u HD-jakaści
Kab hladzieć pieradačy ŭ vyšejšaj jakaści hledačam nie spatrebicca nijakich naład.
10.08.2023 / 12:05
«Šanoŭnyja hledačy! Ad zaŭtra (11.08) Biełsat TV praz spadarožnik budzie pieradavać sihnał u jakaści HD, na YT tak užo daŭno. Vam rabić zusim ničoha nie treba, prosta pabačycie lepšuju karcinku — ciešymsia!
A što spadarožnikavy sihnał jašče niekali spatrebicca, dyk nie sumniavajusia. Z nas byvała paśmiejvalisia, maŭlaŭ, navošta trymać toj spadarožnik, kali ŭsie daŭno praz net hladziać.
Ale ŭ hetyja dni try hady tamu my zastalisia dla ŭsioj Biełarusi ledź nie adzinaju krynicaju infarmacyi, bo chunta ŭziała dy vyklučyła net. Ludzi tady źbiralisia cełymi hrupami, hladzieli Biełsat z susiedziami, znajomymi, na dačach, šukajučy praz nas u tym liku i svaich zatrymanych svajakoŭ abo siabroŭ», — napisaŭ u fejsbuku namieśnik dyrektara Alaksiej Dzikavicki.