U Ekvadory kandydata ŭ prezidenty zastrelili prosta paśla mitynhu
Hrupa nieviadomych uviečary 9 žniŭnia trojčy strelili ŭ hałavu Fiernanda Viljavisiensia ŭ stalicy krainy Kita ŭ Coliseo T. W. Anderson, dzie prachodziŭ pieradvybarčy mitynh. Viljavisiensia biez prykmiet žyćcia byŭ dastaŭleny ŭ kliniku, dzie kanstatavali jaho śmierć.
10.08.2023 / 07:22
Fota: Juan Diego Montenegro / AP
Pavodle słoŭ vidavočcaŭ, jany pačuli, jak pačalisia streły, paśla čaho ciažkaparanieny kandydat u prezidenty ŭpaŭ. Usiaho ranieńni ŭ vyniku stralaniny atrymali kala vaśmi čałaviek. Palicyja šukaje napadnikaŭ.
Vydańnie Expreso piša, što Viljavisiensia byŭ zastreleny, kali sieŭ u aŭtamabil, vydzieleny palicyjaj.
Jon byŭ adnym z kandydataŭ, jakich achoŭvali palicyjanty. Za tydzień da hetaha palityk paviedamlaŭ pra pahrozy.