Minabarony Rasii zajaviła pra ataku 13 dronaŭ na Maskvu i Sievastopal
Dva drony, jakija lacieli ŭ bok rasijskaj stalicy, byli źbityja ŭ niebie nad Małajarasłavieckim rajonam Kałužskaj vobłaści i Adzincoŭskim rajonam Padmaskoŭja, jašče dva — blizu Sievastopala. Akramia taho, dzieviać dronaŭ byli źbityja srodkami REB.
10.08.2023 / 06:55
Karta Jandeks
Dva drony, jakija lacieli ŭ bok Maskvy, źniščanyja siłami SPA ŭ niebie nad Małajarasłavieckim rajonam Kałužskaj vobłaści i nad Adzincoŭskim rajonam Padmaskoŭja, paviedamiła RBK sa spasyłkaj na Minabarony Rasii.
Blizu Sievastopala srodkami SPA byli źbityja dva bieśpiłotniki, jašče dzieviać abiasškodžanyja srodkami radyjoelektronnaj baraćby — jany ŭpali ŭ akvatoryi Čornaha mora.
Paciarpiełych i razbureńniaŭ niama.
Raniej mer Maskvy Siarhiej Sabianin paviedamiŭ, što kala čatyroch hadzin ranicy srodki SPA źbili dva drony na padlocie da horada: adzin u Kałužskaj vobłaści, druhi — blizu Centralnaj kalcavoj aŭtadarohi.
Telehram-kanał Baza pisaŭ, što ŭ maskoŭskim aeraporcie Unukava kala 02:30 byŭ abvieščany płan «Dyvan». Jak praviła, jaho ŭvodziać pry vyjaŭleńni nieviadomych abo niebiaśpiečnych abjektaŭ u niebie. Pavodle źviestak kanała, zatrymana 11 rejsaŭ.