Самалёт прызямліўся ў Віцебску праз дзіця, якому стала блага
Дзіця шпіталізаванае ў адну з гарадскіх бальніц Віцебска.
09.08.2023 / 07:51
Дзіця, праз якое самалёт «Белавія» здзейсніў экстранную пасадку ў Віцебску, шпіталізаванае, пра гэта БелТА паведамілі ў прэс-службе Міністэрства аховы здароўя.
Хуткая дапамога даставіла дзіця ў абласны дзіцячы клінічны цэнтр, дзе яму аказана медыцынская дапамога. Стан дзіцяці здавальняючы.
Як паведамлялася, самалёт «Белавія», які ляцеў з Масквы ў Мінск, здзейсніў экстранную пасадку ў Віцебску ў сувязі з тым, што дзіцяці-пасажыру стала блага. Пасля аварыйнай пасадкі дзіця забрала хуткая. Экіпажу аказалі неабходную дапамогу па дазапраўцы паветранага судна, і самалёт адправіўся далей сваім маршрутам.