Palitźniavoleny Uładzimir Mackievič znachodzicca ŭ balnicy paśla apieracyi
Palitźniavoleny fiłosaf i mietadołah Uładzimir Mackievič pieranios apieracyju i ciapier znachodzicca ŭ balnicy, paviedamili jahonyja paplečniki na staroncy Mackieviča ŭ fejsbuku.
07.08.2023 / 17:10
Uładzimir Mackievič
«Stała viadoma, što Uładzimir Mackievič znachodzicca ŭ Respublikanskaj balnicy (Kaladzičy). Jamu zrabili płanavuju apieracyju, adnaŭlenčy pieryjad budzie doŭžycca minimum da kanca hetaha tydnia», — paviedamlajuć kalehi Mackieviča.
U červieni 2022 hoda Uładzimira Mackieviča asudzili da piaci hadoŭ kałonii ŭzmocnienaha režymu. Jaho pryznali vinavatym pavodle artykułaŭ ab stvareńni ekstremisckaha farmiravańnia, abrazie Łukašenki i ŭdziele ŭ hrupavych dziejańniach, jakija hruba parušajuć hramadski paradak. U lutym 2023 hoda Mackieviču zamianili režym na bolš strohi i pieraviali ŭ mahiloŭskuju turmu.
Čytajcie taksama:
Uładzimir Mackievič napisaŭ za kratami dźvie knihi
U siecivie źjaviłasia aŭdyjakniha palitźniavolenaha fiłosafa Uładzimira Mackieviča