Siońnia abiacajuć składanyja ŭmovy nadvorja: mocnyja daždžy, navalnicy, hrad
Taksama sinoptyki prahnazujuć panižeńnie tempieratury. Abvieščany aranžavy ŭzrovień niebiaśpieki.
07.08.2023 / 06:55
Fota: «Naša Niva»
U paniadziełak nadvorje ŭ krainie buduć farmiravać aktyŭnyja i kantrasnyja frantalnyja raździeły.
Na bolšaj častcy terytoryi krainy — rezkaje panižeńnie tempieraturnaha fonu. Dniom čakajucca daždžy, u tym liku mocnyja z navalnicami i hradam.
U aŭtorak, 8 žniŭnia, u Biełaruś ź pieryfieryi cykłonu z centram nad Šviecyjaj pačnie pastupać prachałodnaje pavietra.
Na bolšaj častcy krainy projduć karotkačasovyja daždžy, udzień u asobnych rajonach prahrymiać navalnicy. Unačy tempieratura budzie ad +8°S da +14°S, udzień — ad +16°S na paŭnočnym zachadzie da +24°S na paŭdniovym uschodzie.