Ukraina atrymała francuzskija dalnabojnyja rakiety SCALP-EG
Francyja pastaviła Ukrainie svaje dalnabojnyja kryłatyja rakiety SCALP-EG — praktyčna poŭnyja anałahi znakamitych Storm Shadow. Videa novaj zbroi źjaviłasia ŭ aficyjnym telehram-kanale prezidenta Ukrainy Uładzimira Zialenskaha, jaki pakinuŭ svoj aŭtohraf na adnoj z rakiet.
06.08.2023 / 22:18
Fota: t.me/znua_live
U kanale Zialenskaha 6 žniŭnia było apublikavana vinšavańnie z Dniom Pavietranych sił Ukrainy. Na kadrach prymacavanaha videa vidać bambavik Su-24 USU z padviešanaj pad kryłom francuzskaj kryłataj rakietaj SCALP-EG.
Hetyja kadry stali pieršym adnaznačnym paćviardžeńniem, što Francyja sapraŭdy pastaviła Ukrainie svaje dalnabojnyja rakiety. Pra taki namier havaryŭ francuzski prezident Emanuel Makron 11 lipienia 2023 hoda padčas samitu NATA ŭ Vilni. Pavodle infarmacyi ahienctva Reuters, adpraŭlena było 50 rakiet.
Technična rakieta SCALP-EG ujaŭlaje saboj amal poŭny anałah brytanskich kryłatych rakiet Storm Shadow, jakija ŭžo pastaŭlajucca Kijevu. Dalokaść jaje palotu składaje 290 kiłamietraŭ u ekspartnaj viersii, jana niasie kala paŭtony vybuchoŭki (jak rasiejskija «Kalibry») i vałodaje radyjołakacyjnaj małaprykmietnaściu.
Takaja zbroja časta vykarystoŭvajecca dla ŭdaraŭ pa važnych abjektach praciŭnika ŭ tyle.
Čytajcie taksama:
Ukrainskija rakiety znoŭ udaryli pa moście ŭ Čanhary, jaki złučaje Krym i Mielitopal
Rasija mahła imitavać puski rakiet z terytoryi Biełarusi z metaj pravakacyi — HUR Ukrainy
Učorašniaja rakietnaja ataka na Ukrainu była adnoj z samych masiravanych