U Pakistanie 30 čałaviek zahinuli pry schodzie ciahnika z rejek
Nie mienš za 30 čałaviek zahinuli i bolš za 80 atrymali ranieńni ŭ vyniku schodu z rejek vahonaŭ ciahnika Hazara Express u pakistanskaj pravincyi Sind, paviedamlaje telekanał Geo.
06.08.2023 / 17:47
Fota: AP Photo/Pervez Masih
Pavodle papiaredniaj infarmacyi, z rejek syšli ad 5 da 10 vahonaŭ ciahnika, palicyja pakul nie paviedamiła, u čym była pryčyna krušeńnia.
U vyniku avaryi spynieny ruch ciahnikoŭ u pravincyi Sind. Čyhunačnyja ŭłady zajavili, što adnaŭlenčyja raboty mohuć zaniać da 18 hadzin.
Hałoŭny ministr pravincyi Sind Murad Ali Šach vykazaŭ škadavańnie ŭ suviazi z hibiellu ludziej u vyniku incydentu i daručyŭ akazać paciarpiełym nieadkładnuju miedycynskuju dapamohu.
Pakistanskaja armija i rejndžary pačali nieadkładna akazvać dapamohu na miescy avaryi, da miesca zdareńnia vyklikanyja dadatkovyja siły. Taksama paviedamlajecca, što dla vyratavalnych rabot byli adpraŭlenyja viertaloty armiejskaj avijacyi.
Čytajcie taksama:
U Pakistanie teraryst-śmiarotnik učyniŭ vybuch na partyjnym schodzie
U Hruzii na terytoryi hornaha kurorta syšoŭ apoŭzień. Zahinuli 7 čałaviek, 35 prapali