Błohier Uład Bumaha adkryŭ sietku piceryj u Rasii
Błohier-miljońnik ź Biełarusi Uład Bumaha ŭ partniorstvie z restarataram i biznesmienam Antonam Pinskim zapuścili svaju sietku piceryj a4pizza. Pakul restaran pracuje tolki ŭ anłajnie i ŭjaŭlaje saboj servis dastaŭki.
05.08.2023 / 17:05
U asartymiencie pradstaŭleny picy, sneki, desierty i napoi, komba-nabory, piša Sostav. Nie abyšłosia i bieź firmovaj picy ad samoha Ułada A4 — padvojnaja piepieroni z vostrym śmietankovym sousam. Kancepcyja servisu źviazana z kantentam na jutub-kanale błohiera — čelendž «Dastaŭka za 30 chvilin!», dyzajn uniformy.
Zakazać stravy možna praz sajt abo mabilnuju prahramu, dastaŭka dastupnaja ŭ Maskvie i vobłaści. Adnak kampanija raźličvaje adkryć afłajn-punkty i maštabavacca na inšyja rehijony Rasii.
«Najbližejšym časam kolkaść punktaŭ dasiahnie 123 štuk. Dalej my płanujem źjavicca ŭ Sankt-Pieciarburhu, a zatym i ŭ inšych rehijonach Rasii i krainach SND», — raskazaŭ Dźmitryj Śmirnoŭ, hienieralny dyrektar A4Group.