Pad Minskam znoŭ pabačyli miadźviedzia
Dniami ŭ siecivie źjaviłasia videa ź viačerniaj prahułki miadźviedziaŭ pa vioscy Hanales Ždanovickaha sielsavieta. Ciapier ža pres-słužba Minlashasa paviedamiła, što bujnoha źviera bačyli ŭ inšaj prystaličnaj miascovaści, kala vioski Nialidavičy Papiarnianskaha sielsavieta.
04.08.2023 / 22:53
Fota: t.me / minleshoz
U ministerstvie nahadali, što pry sustrečy z hetaj dzikaj žyviolinaj nie treba prajaŭlać ahresiju, nie varta rabić rezkich ruchaŭ i blizka da jaje padychodzić, navat kali miadźviedź padajecca mirnym i biaśpiečnym.
Apošnija hady ŭ Biełarusi značna vyrasła kolkaść miadźviedziaŭ. Pavodle acenak śpiecyjalistaŭ, u krainie naličvajecca kala 550—700 asobin. Iduć razmovy navat pra toje, kab vyklučyć ich z Čyrvonaj knihi.
Čytajcie taksama:
Miadźviedzica i troje miedźviedzianiat vyjšli da ludziej u Navahrudskim rajonie VIDEA