Uładzimir Hundar havoryć pra pahrozy ŭ kałonii
Učora, 3 žniŭnia, Uładzimir Hundar upieršyniu patelefanavaŭ z babrujskaj kałonii svajakam, paviedamiła «Pozirku» krynica, jakaja pažadała zastacca nienazvanaj.
04.08.2023 / 09:35
Uładzimir Hundar u sudzie. Fota: BiełTA
Pavodle krynicy, 63-hadovy Hundar nie skardzicca na ŭmovy ŭtrymańnia, jamu chapaje ježy, ciapier jon šmat znachodzicca na vulicy, piša i čytaje tam.
«Adnak jon raspavioŭ svajakam, što jość dvoje kryminalnych źniavolenych, jakija da jaho prydzirajucca, pahražajuć ažno da źbićcia. Heta Jermałovič Jaŭhien i Ramanienka Vital», — adznačyŭ znajomy ź situacyjaj.
Pryčyny pahroz pakul nieviadomyja.
☝️ Z 2021 hoda aktyvist byŭ asudžany try razy, u tym liku pa «spravie Aŭtuchoviča». Kančatkovym pakarańniem stała źniavoleńnie na 20 hadoŭ.
Čytajcie taksama: