У Коста-Рыцы футбаліста з'еў кракадзіл
29-гадовы футбаліст Хесус Альберта Лопес Орціс, які выступаў за мясцовы аматарскі клуб «Дэпартыва Рыа Каньяс», загінуў, патрапіўшы ў зубы кракадзілу. Каб дастаць ягонае цела, паліцыі прыйшлося застрэліць жывёліну, паведамляе РБК.
02.08.2023 / 21:11
Здымак ілюстрацыйны. Фота: drawingpook437224 / vecteezy.com
Трагедыя адбылася ў рацэ Каньяс у правінцыі Гуанакастэ, калі Орціс вырашыў акунуцца ў ваду ў гарачы дзень. У Орціса засталіся двое дзяцей — васьмі і трох гадоў.
Адзначаецца, што сям'я звярнулася да грамадскасці з просьбай дапамагчы аплаціць выдаткі на пахаванне гульца, а галоўны трэнер ягонай каманды Луіс Карлас Монтэс таксама арганізаваў збор сродкаў.
Пахаванне адбылося 1 жніўня. Як паведамляецца на фэйсбук-старонцы «Дэпартыва Рыа Каньяс», яго наведалі больш за тысячу чалавек.
Чытайце таксама:
Мэр мексіканскага горада абраў сабе вельмі незвычайную жонку. Вяселле прайшло без інцыдэнтаў