Premjerka Italii padała ŭ sud na vakalista Placebo, jaki nazvaŭ jaje fašystkaj
Rokier abraziŭ premjerku Italii padčas kancerta ŭ Turynie.
02.08.2023 / 15:13
Džordža Miełoni. Fota: Antonio Masiello / Getty Images
Premjer-ministarka Italii Džordža Miełoni padała ŭ sud na vakalista muzyčnaha hurta Placebo Brajana Mołka, jaki nazvaŭ jaje «fašystkaj, rasistkaj i nacystkaj» na kancercie na pačatku lipienia.
Rokier abraziŭ Miełoni padčas kancerta ŭ Turynie. Brajan Mołka vystupiŭ sa sceny ź niekalkimi zvarotami, u tym liku z zaklikam abarony pravoŭ niebinarnych pierson i transhiendaraŭ, paviedamlaje RBK sa spasyłkaj na La Stampa.
Prakuratura pačała 17 lipienia rasśledavańnie pavodle artykuła ab «abrazie ŭstanoŭ», uklučajučy ŭrad, parłamient, sudy i vojska. Maksimalny štraf za «paklop na Respubliku» składaje €5 tys.
Džordža Miełoni — pieršaja žančyna, jakaja stała premjer-ministarkaj u Italii. Jana pradstaŭlaje kansiervatyŭnuju častku palityčnaha śpiektra, u 2019 Miełoni vystupała suprać adnapołych šlubaŭ i padtrymlivała tradycyjnyja siamiejnyja kaštoŭnaści. Časam jaje partyju «Braty Italii» nazyvajuć ultrapravymi.
Čytajcie taksama:
Śviatłana Cichanoŭskaja sustrełasia z premjer-ministram Italii