Легендарны Буфон завяршыў кар'еру. Ён гуляў да 45 гадоў
Ягоны футбольны стаж склаў 32 гады!
02.08.2023 / 09:58
Легенда сусветнага футбола, галкіпер Джанлуіджы Буфон завяршыў кар'еру. Пра гэта паведаміў у сацсетках вядомы футбольны інсайдар Фабрыцыа Рамана.
Фота з інстаграма футбаліста
Джанлуіджы Буфон нарадзіўся 28 студзеня 1978 года, такім чынам на сёння яму 45 гадоў і шэсць месяцаў.
Ён пачынаў кар'еру ў «Парме» ў 1991 годзе. Чатыры гады гуляў за моладзевую каманду, потым шэсць сезонаў правёў у дарослай камандзе, адкуль у 2001 годзе за 52 мільёны еўра (гэта былі рэкордныя грошы для галкіпераў) перайшоў у «Ювентус». У Турыне Буфон правёў 17 сезонаў, згуляў 526 матчаў і прапусціў 394 мячы. Потым год гуляў у ПСЖ, затым вярнуўся на два гады ў «Ювентус».
За зборную Італіі (1997—2018) Джыджы правёў 176 матчаў, прапусціў 146 мячоў.
Улетку 2021 года Супермен (такая яго мянушка) вярнуўся ў «Парму», якая вылецела ў той год у Серыю B. За два гады Буфон правёў за клуб 43 гульні. Летась «Парма» фінішавала 12-й, а сёлета выйшла ў стыкавы раўнд, але вярнуцца ў Серыю А не здолела, прайграўшы ў стыкавых матчах «Кальяры».
Чытайце таксама:
БАТЭ вылецеў з Лігі чэмпіёнаў, атрымаўшы 11 мячоў ад чэмпіёна Кіпра
Крышціяну Раналду пабіў чарговы рэкорд. Гэтым разам па галах галавой
Іспанскі футбольны клуб папрасіў не есці семак на стадыёне. Бо няма паратунку ад пацукоў