Bieśpiłotnik znoŭ udaryŭ pa chmaračosie ŭ Maskva-Sici
Hetym razam udaryŭ na ŭzroŭni 17-ha paviercha.
01.08.2023 / 06:58
Mer Maskvy Siarhiej Sabianin abviaściŭ, što adzin bieśpiłotnik znoŭ udaryŭ pa chmaračosie ŭ Maskva-Sici.
«Niekalki bieśpiłotnikaŭ pry sprobie pralotu ŭ Maskvu byli źbityja srodkami SPA. Adzin dalacieŭ da toj ža viežy ŭ Sici, što i minuły raz. Paškodžany fasad na ŭzroŭni 17-ha paviercha», — napisaŭ Sabianin.
Pierad hetaj zajavaj Sabianina z Padmaskoŭja paviedamlali ab vybuchach i pralocie dronaŭ.
U noč na niadzielu ŭ chmaračosy ŭ Maskva-Sici ŭdaryli dva bieśpiłotniki, jašče adzin byŭ źbity pad Maskvoj.