Прыгожын заявіў, што «Вагнер» спыніў набор наймітаў
Па яго словах, ПВК працягвае працу ў Афрыцы і Беларусі.
31.07.2023 / 09:44
Фота: Arkady Budnitsky / Anadolu Agency via Getty Images
Заснавальнік ПВК «Вагнер» Яўген Прыгожын у распаўсюджанай праз тэлеграм-канал заяве пацвердзіў, што кампанія спыніла вярбоўку новых наймітаў, піша Бі-бі-сі.
«Цяпер час адкрыцця цэнтраў па наборы пакуль не вызначаны, — сказаў Прыгожын. — Пакуль мы не адчуваем дэфіцыту ў асабовым складзе, мы не плануем ажыццяўляць новы набор».
Раней пра тое, што ПВК «Вагнер» на нявызначаны тэрмін прыпыняе працу рэгіянальных цэнтраў вярбоўкі наймітаў, паведаміў тэлеграм-канал кампаніі, у якім размяшчаюцца аб'явы аб працы ў гэтай структуры.
Прыгожын сказаў, што «Вагнер» працягвае працу ў Афрыцы і ў «падрыхтоўчых цэнтрах» у Беларусі, і дадаў, што большая частка наймітаў кампаніі цяпер знаходзіцца ў адпачынку.
У канцы чэрвеня, прыкладна праз тыдзень пасля спробы ўзброенага бунту і праз месяц пасля вываду з лініі фронту, ПВК «Вагнер» яшчэ працягвала вербаваць наймітаў па ўсёй Расіі.
Чытайце таксама:
Вагнераўцы пачалі трэніраваць у Беларусі падраздзяленні механізаваных брыгад — Мінабароны
Польскі прэм'ер: 100 вагнераўцаў перамясціліся ў бок Сувалкскага калідора
Вагнераўцы працягваюць навучаць беларускіх салдат. Гэтым разам агнявой падрыхтоўцы