Stali viadomyja prysudy svajakam Ilji Dvojryna, jakoha abvinavačvajuć u peckańni aŭto rasijskaha Z-hastralora
4 lipienia navapołackija siłaviki zatrymali ŭsiu siamju supracoŭnika «Naftana» Ilji Dvojryna. Razam ź im zabrali jahonuju žonku, brata, syna ź niaviestkaj. Samoha Ilju abvinavacili ŭ tym, što jon abliŭ biełaj farbaj aŭto rasijskaha Z-hastralora.
30.07.2023 / 21:15
Ilja Dvojryn. Fota: sacsietki
Raniej užo pisali pra sud nad Iljoj Dvojrynym, — praŭda, pa inšym epizodzie, a voś adnosna jahonych svajakoŭ ničoha nie było viadoma.
Ciapier miascovy telehram-kanał paviedamiŭ, što syna ź niaviestkaj 6 lipienia sudździa Zinaida Bałabołava asudziła na 15 sutak kožnaha «pa artykule ab zachoŭvańni i raspaŭsiudzie ekstremisckich materyjałaŭ». U syna Ilji Dvojryna Dźmitryja znajšli padpisku na vydańnie «Lusterka» ŭ instahramie, a ŭ jahonaj žonki Viktoryi — padpisku na toje ž «Lusterka» va «UKantakcie».
Niadaŭna, nahadajem, prajšoŭ sud nad samim Iljoj Dvojrynym, ale jaho na sudzie nie było. Jaho asudzili nibyta za rasklejvańnie antypucinskich ulotak. Dzie mužčyna znachodzicca ciapier, nieviadoma.
Čytajcie taksama:
U Navapołacku zapeckali łabavuju šybu ŭ mašyny rasijskaha «Z-hastralora» Siarhieja Judajeva VIDEA