Украінская разведка дала справаздачу аб падрыве чарговага склада боепрыпасаў у Крыме
У Казачай Бухце ў акупаваным Крыме позна ўвечары 28 ліпеня ўзарваўся склад боепрыпасаў акупантаў, паведаміла Галоўнае ўпраўленне разведкі Мінабароны Украіны.
29.07.2023 / 11:52
Выбух адбыўся каля 22 гадзіны 28 ліпеня. Паводле даных ГУР, сведкі чулі два выбухі і гукі дэтанацыі боепрыпасаў. На месца здарэння прыехалі некалькі машын хуткай дапамогі і паліцыі.
Разведка адзначае, што ў раёне Казачай бухты цяпер дыслакуецца 810-я асобная брыгада марской пяхоты Расіі.
Дакладна вядома, што выбухі і дэтанацыя ў выніку праведзенай дыверсіі адбыліся на «часовым складзе» боекамплекта расіянаў.