«Не выключаю, што мы прыйдзем да поўнай ізаляцыі Беларусі» — польскі міністр
Кіраўнік МУС Польшчы Мар'юш Каміньскі заявіў, што Польшча, Літва і Латвія могуць сумесна прыняць рашэнне аб закрыцці сваіх межаў з Беларуссю, калі на мяжы адбудуцца сур'ёзныя інцыдэнты з удзелам наймітаў з ПВК «Вагнер».
27.07.2023 / 22:27
Фота: Artur Widak / NurPhoto via Getty Images
«Несумненна, калі будуць сур'ёзныя інцыдэнты з удзелам групы «Вагнер» на межах краін НАТА і такіх краін ЕС, як Польшча, Літва ці Латвія, мы, безумоўна, будзем дзейнічаць разам. [ … ] Я не выключаю, калі мы прымем рашэнне, што гэта правільны адказ, што мы прыйдзем да поўнай ізаляцыі Беларусі», — сказаў Каміньскі.
Раней пра магчымае закрыццё мяжы Літвы з Беларуссю і Расіяй у выпадку неабходнасці гаварыла і міністарка ўнутраных спраў Літвы Агнэ Білатайце.
Чытайце таксама:
Арастовіч: Мэтай вагнераўцаў могуць стаць Вільня ці Дзвінск
Літва выдаткуе рэкордныя для краіны грошы на масавую закупку танкаў