Vypalenaja ziamla. U Biełarusi likvidujuć jašče try partyi
U Biełarusi praciahvajecca likvidacyja partyj, jakija nie prajšli pierarehistracyju.
26.07.2023 / 12:20
Viarchoŭny sud. Fota: Reform.by
31 žniŭnia Viarchoŭny sud razhledzić pazoŭ Miniusta ab likvidacyi partyi Biełaruskaja sacyjał-demakratyčnaja hramada, 9 žniŭnia — ab likvidacyi Sacyjał-demakratyčnaj partyi narodnaj zhody. 14 žniŭnia budzie vyrašacca pytańnie ab likvidacyi partyi BNF. Raskład pasiadžeńniaŭ źjaviŭsia na sajcie suda, piša Reform.by.
Raniej było viadoma, što Miniust prosić likvidavać partyju «Zialonyja», Biełaruskuju patryjatyčnuju partyju, Respublikanskuju partyju, KCHP — BNF i AHP.
Nahadajem, pierarehistracyju prajšło try partyi: Respublikanskaja partyja pracy i spraviadlivaści, Libieralna-demakratyčnaja partyja i Kamunistyčnaja partyja Biełarusi. Taksama była zarehistravanaja novaja partyja — «Biełaja Ruś».