U Šviejcaryi zahniezdavaŭ redki vid ptušak, jakoha tut nie było 400 hadoŭ
Paŭnočny łysy ibis znachodzicca pad krytyčnaj pahrozaj źniknieńnia. U śviecie žyvie ŭsiaho kala 200 hetych ptušak. A ciapier stała viadoma, što ibisy zrabili hniazdo… na padvakońni budynka Harley-Davidson niedaloka ad Ciurycha. U pary vyłupilisia dva ptušaniaty, paviedamlaje telehram-kanał «Dzikaja pryroda pobač».
25.07.2023 / 21:23
Fota: euro.dayfr
Jašče ŭ XVII stahodździ paŭnočnyja łysyja ibisy hniaździlisia amal va ŭsich krainach vakoł Mižziemnaha mora ad Paŭnočnaj Afryki da Alpaŭ. Ale 400 hadoŭ tamu ŭ Jeŭropie jany vymierli.
Pavodle infarmacyi BirdLife International, ptuški jašče hniazdujuć u Siryi i Jemienie, ale najbolšaja papulacyja znachodzicca ŭ Maroka.
U Jeŭropie dziejničajuć dva prajekty pa reintradukcyi ibisa: u Ispanii dy Hiermanii z Aŭstryjaj. Hałoŭnaj pahrozaj dla viernutych u pryrodu ibisaŭ ciapier źjaŭlajucca italjanskija palaŭničyja, a potym — linii elektrapieradač.
Na hniaździe Ciurychski zaapark ustalavaŭ kamieru. Za siamiejnym žyćciom ibisaŭ možna nazirać anłajn pa spasyłcy.
Čytajcie taksama:
Pa Stolinie dziełavita chadziŭ samy sapraŭdny paŭlin
U Pinsku zafiksavali pieršy dokaz hniezdavańnia ŭ nas adnoj z najmienšych ptušak u Jeŭropie