«Nie daj strachu taboj avałodać». 27 lipienia Aleh Hruździłovič prezientuje svaju knihu pra źniavoleńnie
Pačatak prezientacyi a 18:30 ŭ Biełaruskim domie pa adrasie Vilnia, vulica Vilenskaja, 20, paviedamlaje Biełaruskaja asacyjacyja žurnalistaŭ.
25.07.2023 / 15:58
Fota z fejsbuka Aleha Hruździłoviča
Žurnalist Aleh Hruździłovič, jaki pravioŭ dzieviać miesiacaŭ u turmie, napisaŭ knihu pra svoj sumny dośvied. U vydańni «Maje turemnyja mury» aŭtar, niahledziačy na ŭsiu dramatyčnaść temy, prytrymlivajecca svajho firmavaha iraničnaha stylu i sprabuje ŭbačyć prykmiety čałaviečnaści navat u viertuchajach.
— Heta kniha nie tolki pra byt, a chutčej — ułasnyja ŭspaminy pra pieražytaje ŭ turmie. Kavałak žyćcia, jaki niemahčyma vykinuć, — raspaviadaŭ aŭtar u intervju BAŽ. — Naturalna, što čałaviek, pabyvaŭšy ŭ takoj «vandroŭcy», choča raskazać druhim ab hetym vopycie. Adnačasova była sproba niešta pieraasensavać.
Prezientacyja knihi «Maje turemnyja mury» projdzie ŭ Vilni 27 lipienia (čaćvier) u Biełaruskim domie. Naviedniki zmohuć atrymać knihu z aŭtohrafam aŭtara ŭ padarunak.
Čytajcie taksama: