Telekanał «Dožd́» pryznali niepažadanym u Rasii
Hienprakuratura Rasii pryznała niepažadanymi dla krainy arhanizacyjami łatvijski i niderłandski filijały telekanała «Dožd́».
25.07.2023 / 15:17
tvrain.tv
«Pryniata rašeńnie ab pryznańni niepažadanaj na terytoryi Rasijskaj Fiederacyi dziejnaści zamiežnych arhanizacyj SIA TV Rain, Łatvija i TVR Studios B. V., Niderłandy», — paviedamiła viedamstva.
Pavodle źviestak Hienprakuratury, arhanizacyi stvoranyja «zamiežnaj žurnalistkaj Natallaj Sindziejevaj, jakaja maje rasijskaje hramadzianstva (pryznanaja zamiežnym ahientam), paśla pryniaćcia Hienprakuraturaj Rasii i Raskamnahladam zachadaŭ u abmiežavańni dostupu da sajta, telekanała i staronak u sacyjalnych sietkach u dačynieńni da rasijskaha TAA «Telekanał Dožd́» za sistematyčnyja parušeńni zakonaŭ pra ŚMI i pra infarmacyi», piša «Interfaks».
Paśla sychodu z Rasii «Dožd́» adkryŭ ofis u Łatvii, adnak paśla taho jak była adklikana licenzija na viaščańnie, jon pierabraŭsia ŭ Niderłandy.