Na Homielščynie padstrelili załacistaha šakała
Laśnik zastreliŭ u nacparku «Prypiacki» załacistaha šakała. Heta čužarodny dla Biełarusi vid, paviedamlaje vydańnie «Palaŭničy i rybałoŭ».
24.07.2023 / 21:26
Zdymak ilustracyjny. Fota: vecteezy.com
Cieła žyvioliny adpravili na daśledavańnie ŭ Minski navukovy instytut. Što tyčycca raniejšaha miesca pražyvańnia źviera, to padazrajuć, što jon emihravaŭ z Ukrainy.
Upieršyniu šakała vyjavili ŭ 2012 hodzie ŭ Bresckaj vobłaści. Potym nieadnarazova źviera sustrakali pa ŭsioj krainie. Raspaŭsiudžvańniu novaha vidu ŭ našych šyrotach spryjali miakkija małaśniežnyja zimy.
Kolkaść šakałaŭ u krainie nieviadomaja, tym nie mienš u 2017 hodzie jaho aficyjna zanieśli ŭ śpis mlekakormiačych Biełarusi. Dla čałavieka zdarovyja asobiny biaśpiečnyja, adnak šakały, jak i lisy, mohuć pieranosić šalenstva.
Čytajcie taksama:
Pad Bierlinam amal dva dni šukali lvicu, a jana akazałasia dzikom